Skip to content

Minnisvarði um Hjálmar Aðalsteinsson afhjúpaður

Þann 4. september síðastliðinn var afhjúpaður minningarskjöldur um Hjálmar Kristinn Aðalsteinsson fyrrverandi íþróttakennara í Hagaskóla á nýlegum tennisvelli við norðurhlið Íþróttahúss Hagaskóla. Hjálmar var var ötull talsmaður spaðaíþrótta og margfaldur meistari, landsliðsmaður og þjálfari í borðtennis auk þess að vera góður tennisleikari og talsmaður þeirrar íþróttar.

Hjálmar hefði orðið 66 ára þann 4. september, en hann lést í janúar síðastliðinn.

Hópur úr 1954 árganginum í Vesturbæ Reykjavíkur hafði forystu um að setja skjöldinn upp í samráði við fjölskyldu Hjálmars, Hagaskóla og Reykjavíkurborg.

Hjallavöllur er góður minnisvarði um góðan félaga og verður vonandi nýttur af sem flestum.